I medhald av plan og bygningslova §§ 12-3 og 12-8 (oppstart av detaljregulering) vert det med dette varsla om at det vert sett i gang regulering for del av eigedom gnr. 150, bnr. 1 m. fl. på Langesethøgda i Stryn kommune.
Planområdet er lokalisert på Langesethøgda, Stryn kommune, like vest for rv.15, og er om lag 114 daa stort. Om lag 28 daa er regulert til næringsføremål i reguleringsplan for Stryn miljø- og næringspark, nordre del. Resterande areal innanfor planområdet er avsett til næringsføremål og grøntområde (bufferareal mot riksveg). Det er ikkje bygg i planområdet i dag. Sjå link til varsel om oppstart, oppstartsmøte og planinitiativ nederst på sida for utfyllande informasjon.
Innspel til varsel om oppstart skal sendast til:
Norconsult AS
Sandvenvegen 43
5600 Norheimsund
E-post: vidar.osterbo@norconsult.com
Frist for å kome med innspel til oppstart av planarbeidet er sett til 1. juni 2022.
Når fristen for varsel om oppstart er ute, vil sjølve planframlegget bli utarbeidd. Innkomne innspel vil bli referert og vurdert i planforslaget. Fullstendige innspel vil også bli lagt ved saka til politisk handsaming.
Når planforslaget vert lagt ut på offentleg ettersyn etter kommunen si handsaming, vil det igjen bli sett ein ny frist for å kome med spørsmål eller innspel til det konkrete planforslaget.
Linkar til varsel om oppstart, oppstartsmøte og planinitiativ:
Oppstartsvarsel Langesethøgda handels- og næringspark (PDF, 210 kB)
Oppstartsmøte Langesethøgda handels- og næringspark (PDF, 744 kB)
Planinitiativ Langsethøgda Handels- og næringspark Grunnlag for oppstartsmøte - detaljregulering (PDF, 4 MB)