Yri Sand vann anbodskonkurransen
Yri Sand AS vann anbodskonkurransen om opprusting av Per Bolstad plass. Kontrakten er signert og arbeidet startar i januar, men førebuande arbeid startar alt i november.
Kontrakten vart signert torsdag 20. september 2018 av kommunalsjef teknisk i Stryn kommune, Jan Flore, prosjektingeniør Hanne Kolrud Vangen og dagleg leiar i Yri Sand AS, Finn Drageset.
Eksisterande Per Bolstad plass skal hevast opp i høgd med terrenget rundt og eksisterande belegg av skifer skal fjernast. Det skal takast ned steinmur og steinskulpturar skal flyttast. Det blir arbeid med vatn- og overvatnsanlegg, kabelgrøft og mastebelysning og oppfylling av plassen med forsterkningslag og bærelag. Det skal også leggast køyresterkt dekke og byggast trapper.
Les om prosjektet Per Bolstad plass
Sist endra 12.12.2023 13.37