Ystekurs i Førde og på Nordfjordeid
Er du mjølkebonde med interesse for foredling? Eller har du interesse for ysting og kan tenkje deg å starte eit handverksysteri? Bli med på ystekurs 8. april i Førde eller 9. april på Nordfjordeid. Det er same program begge kursdagane. Påmeldingsfrist er 1. april.
Kursdagane er meint å gje inspirasjon og innsikt i kva det vil seie å foredle mjølk og kva som trengs til etablering av eige ysteri. Verdsmeisteren Jørn Hafslund frå Ostegården i Fana kjem og inspirerer, i lag med Anne Karin Hatling frå Skjerdal Støylsysteri og Aud Slettehaug frå Kompetansenavet Lokalmat Vest.
Kursa er lagt ut på www.landbrukskurs.no under kursoversikt og du finn artikkel hos Fylkesmannen i Vestland her .
Fylkesmannen i Vestland arrangerer kursa i samarbeid med Kompetansenavet, Sogn og Fjordane Bondelag og Noregs Bonde- og Småbrukarlag.
Informasjon, bilder og påmelding
Sist endra 12.10.2023 12.49