Ved å gje innspel til planprogrammet kan innbyggarar, lag og organisasjonar, næringsliv og andre samfunnsaktørar vere med på å utvikle planen heilt frå starten. På denne måten kan det endelege resultatet og samfunnsdelen vår bli det gode styringsverktøyet det skal vere, og forme utviklinga i Stryn i ønska retning. Dei innspela vi får inn blir lagt fram og vurdert i prosjektstyringsgruppa.  

Eit planprogram er ein «plan for planen». Planprogrammet omtalar planprosessen for samfunnsdelen på eit overordna nivå. Hovudoppgåva er å tydeleggjere kva ein skal jobbe vidare med i kommuneplanen. Planprogrammet som blir vedteke i mars 2023 vil vere grunnlaget for det endelege dokumentet som heiter  "Kommunedelplanen sin samfunnsdel".

Den nye samfunnsdelen skal etter framdriftsplanen vere klar i april 2024. Det at du og alle andre engasjerer seg er nødvendig for at den utviklingsplanen for Stryn som blir vedteken i 2024, blir eit resultat som vi kan stå saman om fordi vi har jobba det fram gjennom samskaping.   
I tida fram mot april 2024 får du fleire sjansar til å seie di meining om "Kommunedelplanen sin samfunnsdel."

Det vi ønskjer no, er at du les gjennom planprogrammet Høyringsutkast - Planprogram utviklingsplan Stryn kommune 2023-2035  (PDF, 3 MB)og seier di meining ved å fylle ut skjemaet. 

Skjemaet er avpublisert sidan tidsfristen er ute.

Frist for å sende inn skjemaet: 1. februar 2023.