Opplever du eller nokon nær deg sviktande hukommelse eller demenssjukdom?
Demenssjukdom kjem snikande og utviklar seg vanlegvis over fleire år. Tidleg i forløpet kan symptoma vere vanskeleg å skilje frå normal aldring. Ved demens er det viktigaste kjenneteiknet nedsett hukommelse som påverkar evna til å utføre daglege aktivitetar. Ein demenssjukdom rammar ikkje berre den som blir sjuk – heile familien blir berørt. Ofte er det pårørande som først merkar endringar og får mistanke om sjukdom.
Hukommelsesteamet er eit lavterskeltilbod til heimebuande personar med utfordringar knytt til hukommelse, og til deira pårørande. Ta kontakt med oss om du er bekymra for deg sjølv eller nokon nær deg.
Kva kan teamet hjelpe med?
- Kartlegging og utredning ved mistanke om kognitiv svikt, i samarbeid med fastlege
- Informasjon, råd og rettleiing knytt til hukommelsesvanskane
- Tilrettelegging i heimen
- Gi råd og rettleiing om kvardagsmestring - korleis kvardagen kan tilretteleggast
- Informasjon om ulike hjelpetilbod
- Oppfølging etter demensdiagnose
- Tilbod om pårørandeskule og samtalegrupper
Utredning og diagnose er viktig fordi:
- Det er ein forutsetnad for du skal få riktig medisinsk behandling
- Det gir deg mulegheit til å finne ut om det er andre årsaker til endringane
- Det gjer det mogleg for deg å planlegge framtida
- Det gjer det lettare for andre å forstå situasjonen, slik at du og dine pårørande kan få hjelp og støtte
- Det kan gi deg tilgang til informasjon og hjelp frå helsetenestene i kommunen
1. Hukommelsestap:
- ein dement person vil gløyme raskt og ofte, og dei vil ikkje klare å hugse informasjonen seinare.
2. Problem med å utføre kjente oppgåver:
- daglegdagse oppgåver kan bli vanskelege - korleis brukar ein komfyren? korleis kokar ein kaffi?
3. Språkproblem:
- det blir vanskeleg å hugse enkelte ord, det kan vere vanskeleg å forstå både skrift og tale.
4. Desorientering i høve tid og stad:
- personar med demens kan gå seg vekk i eige nabolag utan å vite korleis dei kom dit, eller korleis dei skal finne vegen tilbake.
5. Svekka dømmekraft:
- problem med å kle seg etter forholda (går ut i badekåpe, tjukk genser på varm dag), kjøper ting ukritisk.
6. Problem med abstrakt tenking:
- viser seg ofte ved at den demente får problem med å handtere økonomien. Forstår ikkje skilt og bokstavar.
7. Feilplassering av gjenstandar:
- den demente kan plassere sko i kjøleskap, mat i skapet.
8. forandring i humør og adferd:
- kan ha raske svingingar i humør og adferd, utan openbar årsak.
9. Adferdsendringar:
- forvirring, frykt eller avhengigheit kan bli framredande personlegheitstrekk etter kvart som demensen utviklar seg.
10. Tap av initiativ:
- passivitet, apati og tiltaksløyse kan vere ein del av sjukdomsbiletet.
Hukommelsesteamet er eit lågterskeltilbod, noko som betyr at det ikkje er nødvendig med henvisning frå fastlege eller anna helsepersonell for å ta kontakt. Alle som har ei bekymring knytt til demens, enten for eigen del, som pårørande eller som hjelpepersonell, kan ta kontakt med oss.
Demensteamet består av ergoterapeuter, psykiatrisk sjukepleier og sjukepleier.
Teamet samarbeider med fastlege, heimetenesta og anna helsepersonell i kommunen.
Hukommelsesteam Stryn
📞 Telefon: 948 25 979
(kvardagar kl. 09.00–15.00)
E-post: anita.skarstein@stryn.kommune.no
Du kan også ta kontakt via fastlegen din
• Framleis i arbeid? Heftet Fortsatt i arbeid – med demens har som mål å gi enkel rettleiing til arbeidsgjevarar som opplever at ein arbeidstaker utviklar demens.
• Aldring og helse har eiga temaside om demens, der ein blant anna kan finne informasjon om demens, utredning, behandling og oppfølging og det å leve med demens.
• Sjukdom hos eit familiemedlem kan påvirke heile familien sin økonomi. Aldring og helse har ein oversikt over aktuelle støtteordningar for pasient og pårørande.
• Demenslinjen - Tlf: 23 12 00 40
Nasjonalforeningen for folkehelsen har oppretta ei demenslinje som er eit tilbod som er opent for alle med spørsmål om demens. Her får du viktig informasjon om behandling og omsorg for demente og deira pårørande.
• På helsenorge.no får du råd om korleis du som pårørande kan snakke om demens med den det gjeld. Du finner også informasjon og råd om symptom, førebygging og hjelpetilbod til pårørande og personar med demens. Du får også vete meir om rettigheiter og samtykkekompetanse.
• Snakk med andre pårørande om demens: Nasjonalforeningen for folkehelse har ei eiga teneste for pårørande som vil snakke med andre pårørande (likeperson) i same situasjon.
• App: "Kunnskap om demens". Dette er ein gratis app som er laga av Aldring og helse. Den inneheld kunnskap, tips og gode råd for fagpersonar og pårørande. Appen kan hentast frå App Store eller Google Play.
• Veivisern skal gjere det enklare for helse- og omsorgstenestene å gje gode tenester til personar med demens og deira pårørande
• Barn og unge opplever ei spesielt stor belastning når mor eller far får demens.
Nyttige lenker med informasjon: Tid til å vere ung
Ung pårørande
Podcast: Tid til å vere ung
• hvakanhjelpe.no er ei nettside der ein får tips og forslag på hjelpemiddel, velferdsteknologi og fysisk tilrettelegging som kan gjere det enklare å klare seg sjølv i kvardagen.
• Ønskjer du digitalt kurs om demens? Pårørendestøtte – demens er utvikla for å gje informasjon, råd og støtte.
- Informasjon og verktøy med samisk språk og kulturperspektiv
- Informasjon om demens på fleire språk
- Fact sheets abour dementia in arabic, shiqip, bosanski/hrvatski/srpski, english, soumeksi, francais, chinese, persian, russian, espanol, svenska, deutsch, türk (Svenskt Demenscentrum)
- Comprehensive list of translated information about dementia in a large number of languages (Alzheimer’s Disease International)
Sist endra 18.11.2025 14.32