• Særskilt utpeika person skal enten vere innehavar av verksemda eller ein annan tilsett i verksemda som har løyve til handel
• Verksemda som skal søkje, må drive med handelsverksemd med salg av varer over disk
• Container og salsstad skal vere plasserte som skildra i søknaden
• Informasjon om tryggleik vert formidla til kundar (plakat, brosjyre osv)
• Kundar skal ikkje ha direkte tilgang til fyrverkeri kategori 2 og 3
• Fyrverkeri må ikkje oppbevarast saman med brannfarleg vare
• Dørene til oppbevaringsstaden må haldast lukka 
• Eigna sløkkjemateriell tilgjengeleg. Apparatet skal ha vore kontrollert det siste året
• Lager og salsstad må merkast med røyking og bruk av eld er forbode
• Det er ikkje tillate å overdra eller leige ut løyvet til andre

• Lokalet er definert som eiga branncelle
• Forskriftsmessige rømningsvegar
• Øvrige varesortimentet som finst i handelslokalet er forenleg med det å selje fyrverkeri
• Eige rom i tilknyting til handelslokalet for oppbevaring av fyrverkeriartiklane utanom opningstida, eigna for oppbevaring av 100 kg NEI, 
  eller det er moglegheit for plassering av særskilt godkjend container på utsida og i rimeleg nærleik av handelslokalet
• Lett antennlege varer i nærleiken av salsdisken må fjernast
• Lokalet skal vere innretta slik at publikum ikkje får direkte tilgong til fyrverkeriartiklane
• Publikum skal ikkje ferdast rundt i lokalet etter at dei har fått utlevert fyrverkeriartiklane
• Salet av fyrverkeri skal innrettast på ein slik måte at dette skjer når publikum er på veg ut av lokalet
• Eigna slokkemateriell skal vere i umiddelbar nærleik av salsdisken
• Lokalet må tilfredsstille plan- og bygningslovgjevinga i den grad det er nødvendig for å sikre at føresegnene i brann- og eksplosjonsvernlova og eksplosivforskrifta er oppfylte
   

Utlevering og oppbevaring av fyrverkeri er forbode nærare enn 25 meter frå bensinstasjon. Avstandskravet gjeld ikkje frå pumpene, men frå yttergrensa til stasjonen. Det er ikkje tillate å utlevere eller oppbevare fyrverkeri i kjøpesenter. Sjølve utleveringa av fyrverkeriet må skje frå ein salsstad plassert på utsida av kjøpesenteret 

Det skal ikkje vere bueiningar i same bygg som lokalet der det føregår utlevering og oppbevaring av eksplosiv vare. Det er i forskrifta ikkje gitt opning for ubebodde bueiningar
 

• Tydeleg merka kven som står for salet
• Oppslag om forbod mot røyking og all bruk av open eld
• Handel føregår over disk (opning, luke), kun 1 side open mot publikum
• 5 meter frå parkerte bilar
• 5 meter frå uklassifisert vegg i bygning
• 1 meter til ubrennbar fasade (dokumentert EI 60 eller betre)
• Salstelt skal ha grunnkonstruksjon i tre eller metall, og vere kledd med eit materiale av god vatn- og vindavvisande kvalitet
• Elektriske anlegg for lys og varme i/på salsstaden skal vere fastmonterte og ha låg overflatetemperatur
• Dersom oppbevaringscontainer vert nytta som salsstad, skal den vere delt i to og ikkje ha direkte tilgang mellom oppbevaringsdel og salsdel. Skillet skal vere klassifisert EI 60. 
• Det er ikkje tillate med direkte utlevering frå oppbevaringscontainer eller køyretøy. Utlevering av varer skal skje over disk.

• Max 250 kg netto eksplosiv innhald (NEI) per godkjent container
• Alarm som ved innbrotsforsøk tidleg varslar næromgjevnadene med lyd
• Stålcontainer som er låst med 2 stk FG-godkjente hengelåser minst klasse 3
• Innvendige finerplater (28 mm gulv, 12 mm tak og vegg)
• NOR-kobling på dør
• Dørene er sikra med to bommar
• Utstyrt med ventilasjonsopningar som er beskytta 
• Dersom avstanden mellom containeren og utvendig salsstad er mindre enn 5 meter, skal containeren vere tilkopla med ein 10 meter lang brannslange

• 1 meter frå dokumentert EI 60 vegg, eller betre
• 4 meter frå vindauge/anna opning. Sidevegs når container er plassert 1 meter frå EI 60 vegg
• 10 meter frå køyretøy
• 10 meter frå brannfarleg vare og 10 meter frå uspesifisert vegg (i eigen verksemd)
• 25 meter frå bustad
• 15 meter frå naboverksemd
• 25 meter frå brennbart opplag/bygning
• 10 meter frå små brennbare opplag (inntil 5 m²)
• 25 meter frå offentleg veg, dersom det er fysisk skilje (som hindrar påkøyring) mellom, kan containeren plasserast 10 meter frå skiljet
• 10 meter mellom 2 oppbevaringscontainarar med fyrverkeri (plassert i same retning)