Kva er skilnaden?
Korleis uteplassen er bygd, avgjer om han blir rekna som terrasse, veranda eller balkong.
- Terrasse – uteplass på planert terreng.
- Takterrasse – uteplass på flatt tak.
- Veranda – open eller overbygd uteplass som er understøtta av søyler eller liknande.
- Glasveranda – veranda som er lukka med store glasfelt.
- Balkong – uteplass som stikk ut frå veggen utan understøtting.
- Fransk balkong – balkongdør med rekkverk framfor, eventuelt med svært liten utkraging.
Krav til rekkverk og sikring finn du i TEK17 § 12-15.
Vegvisar
Er du usikker på om tiltaket krev søknad?
Prøv vegvisaren til Direktoratet for byggkvalitet (DiBK
Unnateke frå søknadsplikt
Frittståande terrasse
Du kan bygge ein frittståande terrasse utan å søkje dersom:
- terrassen er lågare enn 0,5 meter over gjennomsnittleg planert terreng.
Det gjeld ingen krav til avstand frå nabogrensa.
Terrasse inntil bygning
Du kan byggje terrasse inntil bygningen utan å søkje dersom:
- terrassen er høgst 1 meter over terrenget
- han ligg minst 1 meter frå nabogrensa
- han ikkje stikk meir enn 4 meter ut frå fasaden
- rekkverket er høgst 1,2 meter
- terrassen ikkje er overbygd
Tiltaket må òg vere i samsvar med kommuneplan, reguleringsplan og andre føresegner.
Veranda
Du kan bygge eller utvide veranda med inntil 15 m² utan å søkje dersom:
- verandaen ligg minst 4 meter frå nabogrensa
- tiltaket ikkje er i strid med reguleringsplan eller kommuneplan
- krava til god estetisk utforming er oppfylte
Du kan søkje sjølv
Du kan søkje sjølv dersom tiltaket har eit bruksareal (BRA) og bebygd areal (BYA) på under 50 m².
Dette gjeld til dømes:
- terrasse som er høgare enn det som er unnteke frå søknadsplikt
- veranda
- innglassing av veranda på einebustad
Hugs at du må varsle naboane og sende inn nødvendige teikningar og situasjonsplan.
Lenkje:
Du må søkje med ansvarleg føretak
Du må søkje med ansvarleg føretak dersom tiltaket mellom anna gjeld:
- veranda eller tilbygg større enn 50 m²
- balkong
- fleire verandaer på same bygning
- ny bygging på ein eksisterande terrasse, til dømes utestove
- innglassing av veranda eller balkong på bygg med fleire bueiningar
- tiltak som fører til vesentleg fasadeendring
- fransk balkong dersom tiltaket medfører vesentleg fasadeendring
Lenkje:
Regelverk og rettleiing