Den som skal vere dagleg leiar på ein serveringsstad må ha bestått etablerarprøva, og ha fylt 18 år.

Alle som ynskjer det kan ta prøva. Dagleg leiar/styrar av ein serveringsstad må ha dokumentert kunnskap om serveringslova. Kravet er oppfylt ved bestått etablererprøve, eller utdanning frå Norsk Hotellhøgskule: HKR 230 Ansvarleg vertskap (bestått eksamen etter januar-05).

• Prøva tek du på Servicekontoret i Stryn kommune, 3 etasje i Tonningsgata 4.
• Kontakt oss på telefon 57 87 47 00 for å avtale tidspunkt.

• Prøva er ei fleirvalsprøve på 90 minutt. Du må svare rett på 40 av 50 spørsmål. 
• Prøva må du ta på norsk. Det er ikkje høve til å ta med tolk eller bruke ordbok. Du kan ta med lovsamling. 
• Ta med gyldig legitimasjon (pass, førarkort eller bankkort med bilde).
• Det kostar 400 kroner å ta prøva.
• Du kan ta prøva på nytt heilt til du består. Det kostar 400 kroner kvar gong.

Prøva er basert på det materiale som er gitt i læreboka" Læremateriell - etablererprøven for serveringsvirkesomhet" utarbeida for Nærings- og handelsdepartementet av Veiledningsinstituttet i Nord-Norge.

• Du kan kjøpe læremateriell, kurs og tilgang til "test deg sjølv" - prøver via Vinn.no

Alle som består etablererprøva får eit prøvebevis.

Det er viktig å ta vare på dette beviset då dette er dokumentasjon på at du har nødvendig kunnskap om serveringslova. Beviset er gyldig på ubestemt tid.

Serveringslova