Det kan vere mange grunner til at vaksne treng grunnskuleopplæring. Nokon har ikkje fått fullverdig grunnskule der dei vaks opp, nokon treng ny opplæring på grunn av sjukdom eller skade, og nokon treng betre grunnleggjande ferdigheiter for å kunne utdanne seg eller få jobb.

Vi tilbyr faga norsk, engelsk, matematikk, naturfag og samfunnsfag i tillegg til grunnleggjande ferdigheiter. Ein kan ha behov for å ta heile fag, delar av fag eller styrke dei grunnleggjande ferdigheiten (å uttrykkje seg munnleg, lese, skrive, rekne, bruk av digitale verktøy).

Læreplanane i FOV er delt inn i 1 grunnmodul og 4 modular i kvart fag, der du etter modul 4 kan ta eksamen og få vitnemål. Dei fleste brukar 1-3 år på å fullføre og gå opp til eksamen og få vitnemål. Ein kan også velje å avslutte FOV før eksamen er gjennomført, og få eit kompetansebevis som viser kompetansen i modulane du har teke.

Enkelte vaksne har ikkje fullført ti år i grunnskule. Andre har gjennomført grunnskule, men manglar dokumentasjon. Ein vaksen som manglar dokumentert grunnskuleopplæring, kan få vurdert sin realkompetanse. 

Realkompetanse er kunnskapar og ferdigheiter som ein person har skaffa seg gjennom utdanning, arbeid, frivillig arbeid, organisasjonsarbeid, fritidsaktivitetar eller liknande. Ta kontakt dersom dette er aktuelt for deg.

Les meir om realkompetansevurdering for vaksne på Utdanningsdirektoratet sine nettsider

Førebuande opplæring for vaksne (FOV) er gratis og skal vere tilpassa den enkelte sitt behov. I rettleiingssamtalen med skulen kartlegg vi nivå i faga, tilpassar undervisninga.

Førebuande opplæring for vaksne (FOV) ved Stryn vaksenopplæringssenter er i hovudsak organisert på dagtid frå måndag til fredag kl.09.00-14.30.. 

Vil du søkje om førebuande opplæring for vaksne, bruk søknadsskjemaet for førebuande opplæring for vaksne (FOV). Kommunen behandlar søknaden så fort som mogleg, og tek kontakt for å avtale rettleiing og eventuell oppstart innan rimeleg tid.

Informasjon om førebuande opplæring for vaksne.pdf (PDF, 149 kB)

SØK HER: 
Søknad om førebuande opplæring for vaksne (FOV)

Søknadsskjema på papir:
Søknad om FOV førebuande opplæring for vaksne.pdf

Skjemaet må skrivast ut, fyllast ut og sendast
Servicekontoret, Tonningsgata 4, 6783 Stryn.

 

Ved spørsmål ta kontakt med:

Rektor Stryn Vaksenopplæringssenter
Hilde Nesje
Telefon 57 87 61 90
hilde.nesje@stryn.kommune.no