Koordinerande eining

Koordinerande eining:

• Kontaktpunkt for deg som mottek tenester, tenesteytarar og samarbeidspartnarar
• Har oversikt over dei ulike tenestene i kommunen og tek i mot spørsmål
• Samordnar tenestene for deg som har to eller fleire tenester frå kommunen, og skal sikre at dei ulike tenestene du får fungerer saman
• Kan hjelpe deg å vurdere kva tenester som er aktuelle for deg og formidle kontakt
• Har ansvar for oppnemning av koordinator og barnekoordinator og vurderer behov for individuell plan

Koordinerande eining kan vere aktuelt for deg som:

• På grunn av skade eller sjukdom har eit brått fall i evna til å fungere i dagleglivet
• Treng hjelp frå fleire tenesteområde
• Har gradvis fall i funksjonsevne over lengre tid
• Har medfødt funksjonssvikt
• Har fysiske, psykiske eller sosiale vanskar og treng hjelp til å planlegge/ meistre nye situasjonar i livet
  
   

Koordinator, barnekoordinator og individuell plan:

• Dersom du har eit langvarig behov for koordinerte tenester har du rett på koordinator og individuell plan. Koordinator bidreg til samordning av tenestetilbodet, innkalling til ansvarsgruppemøter og framdrift i Individuell plan.
• Koordinator vert oppnemnt av koordinerande eining i samråd med deg.
• Barn/unge med alvorleg sjukdom, skade eller nedsett funksjonsevne, med langvarig behov for koordinerte tenester, har rett på tenesta barnekoordinator og individuell plan
• Ordningane skal bidra til at tenestemottakarar med behov for fleire tenester skal få eit heilskapleg tenestetilbod. Kommunen pliktar å syte for at tenestene er koordinerte, samanhengande, tverrfaglege og tilpassa dine behov.
• Det er koordinerande eining som tek avgjerder når det gjeld tenestene barnekoordinator, koordinator, individuell plan. Du har klagerett på avslag om barnekoordinator/koordinator og individuell plan. Klagen skal sendast til koordinerande eining.

Søk her:

Søknad om koordinator, barnekoordinator og individuell plan

Her kan du lese meir om koordinator, individuell plan og barnekoordinator:

Helsedirektoratet Individuell plan og koordinator

Helsedirektoratet barnekoordinator