Gravferda til Hans Majestet kong Harald V

Gravferda til Hans Majestet kong Harald V finn stad onsdag 9. september i Oslo domkyrkje. Regjeringa har fastsett nasjonal sørgjeperiode (landesorg) frå dødsdagen og fram til gravferdsdagen. Den nasjonale sørgjeperioden er ei tid for sorg og ettertanke, og ei markering av at folket i Norge står saman i sorga.

Eitt minutts stillheit

På gravferdsdagen blir kong Harald minna med eitt minutts stillheit over heile landet frå kl. 13.00 til kl. 13.01. Stillheita blir innleidd med tre klokkeslag frå kyrkjene over heile landet. Tre nye klokkeslag markerer at minuttet er over.

Salutt frå Akershus festning

Etter gravferda i Oslo domkyrkje blir kista frakta til Akershus festning. Der blir det halde ei privat minnestund i Akershus slotts­kyrkje, før kong Harald blir gravlagd i Det kongelege mausoleet.

Som avslutning på dei offisielle markeringane blir det avfyrt salutt frå Akershus festning. Den nasjonale sørgjeperioden blir avslutta med salutten. Onsdag 9. september, mellom kl. 15.20 og 15.50, skal flagget til topps. Alle flagg på offentlege flaggstenger over heile landet skal då heisast til topps.

 

Kong Harald V - Klikk for stort bilete

 

Sist endra 07.09.2026 15.17