Kommunestyret sitt budsjettvedtak :
1. Handlings- og økonomiplan 2026 – 2029
Framlegg til «Handlings- og økonomiplan 2026 – 2029» for Stryn kommune blir godkjent med dei føringane og premissa for kommunen sin tenesteproduksjon som går fram av dokumentet.
2. Driftsramme
2.1. Driftsrammer 2026
Driftsbudsjettet for 2026 blir vedteke i samsvar med kommunedirektøren sitt framlegg i «Løyvingsoversikt drift etter §5-4 første ledd» («1A Løyvingsoversikt – drift»).
2.2 Bevilgningsoversikt tenesteområde
Netto bevilgningar til sektorane blir vedtekne i samsvar med kommunedirektøren sitt framlegg i «Løyvingsoversikt drift etter §5-4 andre ledd» («1B Løyvingar – drift»).
Kommunedirektøren får fullmakt til å fordele midlar frå overordna ansvar, inkludert statlege tilskot og lønsreserven, på dei enkelte tenesteområda.
Ordførar får fullmakt til å disponere formannskapet sin konto «Til disposisjon for formannskapet» (K11719 – A1980 – T18019).
3. Investeringsrammer
Investeringsbudsjettet for 2026 blir vedteke i samsvar med kommunedirektøren sitt framlegg i «Løyvingsoversikt investering etter §5-5 første ledd» («2A Løyvingsoversikt – investering»).
Oversikt over dei enkelte investeringsprosjekta kjem fram i «Investeringar i økonomiplanen», samt kapitla for tenesteområda.
4. Skatt
Skatt på inntekt og formue for 2026 blir skriven ut etter maksimalsats fastsett av Stortinget.
5. Lån
For 2026 blir det gjeve fullmakt til følgjande låneopptak (Sjå: «Løyvingsoversikt investering etter §5-5 første ledd» / «2A – Løyvingsoversikt – investering»):
Lån til finansiering av eigne investeringar, inntil MNOK 88,5
Lån til sjølvkostområda, inntil MNOK 31,6
Lån til vidareformidling, inntil MNOK 7,0
Kommunedirektøren får fullmakt til å godkjenne lånevilkår for ovannemnde lånerammer.
----------------------------------------------------------------------------------------------------------------------------
ENDERINGAR:
Nye tiltak drift.
Musikkterapeut 100% stilling frå og med 2026, MNOK 0,78. Finansierast med bruk av disposisjonsfond.
Endring av tiltak investering:
1. Utsetting av investering av ny traktorer frå 2027 til 2029, MNOK 4,0
2. Investerinsråme bilar og utstyr-andre innvisteringar blir tatt ned frå 2,5 mill til 1,5 mill. årleg i økonomiplanperioden
Verbalframlegg:
• Demenskor - tilrettelegging : Stryn kommune vil bidra til å sikre føreseielege rammevilkår for vidare drift av demenskoret. Øvingslokale på Buketten og personalressurs til planlegging/ koordinering vert framleis stilt til rådvelde vederlagsfritt.
• Styrking av støttekontaktordninga :Stryn kommune lagar ein enkel plan for oppfølging av støttekontaktene. Udisponerte midlar bør nyttast til å gje auka tryggleik og kompetanse i rolla., t.d. gjennom temasamlingar med relevant opplæring. Vi ber om at ordninga med støttekontakt i Stryn kommune blir gjennomgått og lagt fram som ei sak til helse og sosial ila 2026.
• Adminstrasjonen kjem med ei sak på Skulemuseet på Faleide, med utgangspukt i å få til ei organisering slik at ein kan søkje midlar gjennom ordningar som t.d. krev at ein er registrert i frivilligregisteret. Med dette på plass vil ein sjå på bevilging i økonomiplanen til Stryn kommune framover
Handlings og økonomiplan 2026-2029 og budsjett for 2026 - kommunestyret sitt vedtak
Gebyr og betalingssatsar for 2026