Open brannstasjon i Stryn

Brannstasjonen ligg i Perhusvegen 33

– Open brannstasjon er ein tradisjon vi er stolte av. Her får dei yngste lære om branntryggleik på ein morosam og lærerik måte. Vi gler oss til å møte små og store besøkande denne dagen, seier brannsjef John Jatgeir Vinsrygg. – Det blir demonstrasjon av sløkkjeutstyr, og barna får høve til å sitje i ein ekte brannbil.

Kvifor markerer vi Brannvernveka?

Brannvernveka er eit landsdekkjande tiltak som blir arrangert kvar haust. Målet er å setje søkjelys på brannførebygging og tryggleik i heimane. Veka markerer òg starten på den nasjonale kampanjen «Nasjonal brannøving».

Når haustmørkret senkar seg, brukar vi meir straum, tenner fleire lys og oppheld oss meir innandørs, dette aukar risikoen for brann. Dei fleste alvorlege brannar skjer i private heimar, der det ikkje er krav om brannøvingar.

For å gjere det enklare å førebu seg, har Brannvernforeningen utvikla eit gratis verktøy på www.brannovelse.no
der kan du lage ei brannøving tilpassa bustaden og livssituasjonen din.

På open brannstasjon får både små og store lære om brannsikkerheit. Foto: Hans Olav Bøe