Her finn du ei oversikt over nokre vanlege avfallstypar og korleis du skal kvitte deg med dei:
Farleg avfall
Avfall som kan føre til alvorleg forureining, miljø- eller helseskade er farleg avfall. Alle NOMIL sine private abonnentar kan levere inntil 1000 kg farleg avfall kvart år, og inntil 500 kg pcb-haldig isolerglass kvart år utan å betale ekstra for dette.
Døme på farleg avfall er måling, lim, olje, løysemiddel, etsande avfall, sterke reingjeringsmiddel, plantevernmiddel, sprayboksar, oljefilter og batteri. Byggemateriale kan også vere farleg avfall. Døme på dette er isolerglasruter, golvbelegg av vinyl, røyrisolasjon, isolasjonsskum og asbesthaldig avfall.
Les meir om levering av farleg avfall til NOMIL sine gjenbruksstasjonar her
Bildekk
NOMIL tek ikkje i mot bildekk, men du kan levere kasserte bildekk gratis til alle dekkforhandlarar eller forretningar som sel dekk. Dette følgjer av produsentansvaret. Det er forbode å deponere brukte dekk.
Tekstil
Ein kan levere tekstil som er heil, rein og tørr i utplasserte innsamlingsboksar.
Les meir om dette på NOMIL sine sider
Framande artar i hagen
Hageavfall som inneheld skadelege framande artar kan leverast til NOMIL. Avfallet skal pakkast i sekk, og leverast som restavfall på gjenbruksstasjonen.
Les meir om temaet her
Heimekompostering
Visste du at NOMIL oppmoder abonnentane sine til å kompostere matavfallet sitt? Dei gir også rabatt på årsgebyret for abonnentar som har heimekompost.
Les meir om dette på NOMIL sine sider
Brenning av avfall er forbode
Brenning skal ikkje fungere som ein metode for å kvitte seg med avfall.
Forskrift om open brenning og brenning av avfall i småomnar, Stryn kommune, Vestland