Formålet med ordninga
Hovudmålet er å motverke einsemd, passivitet og sosial tilbaketrekking blant vaksne. Gjennom denne tilskotsordninga støttar vi lågterskeltilbod som fremjar sosialt fellesskap og fysisk aktivitet.
Du kan søkje støtte til aktivitetar innan tre kategoriar, i tillegg til transportkostnader. Aktivitetane skal gjennomførast i løpet av 2025. Det er eit pluss om prosjektet har ein plan for vidareføring etter prosjektslutt. Kvar kategori krev eigen søknad.
Desse kategoriane kan du søkje støtte til:
1. Fleirkulturelle arrangement
Arrangement og aktivitetar med fokus på inkludering, til dømes:
- Matfestivalar
- Musikk- og danseframsyningar
- Språkkafé
- Faste møteplassar som fremjar forståing og respekt
💰 Søknadspott: kr 70 000
2. Formidling av kulturarv
Møteplassar der vaksne kan dele kunnskap og kulturarv med andre. Målet er å etablere varige møteplassar i bygdene.
💰 Søknadspott: kr 70 000
3. Fysisk aktivitet for eldre
Aktivitetar som skal styrkje fysisk og psykisk helse hos eldre vaksne. Det bør leggjast opp til 2–4 faste økter i månaden.
💰 Søknadspott: kr 70 000
Søknadsfrist: 10. juli 2025
Trykk her og fyll ut søknadsskjemaet Inkluderande møteplassar
Dette må du bl. a. svare på i søknaden:
Korleis skal tiltaket bidra til måloppnåing for ordninga?
Korleis vil de rekruttere målgruppa?
Korleis skal målgruppa få medverke i planlegging og gjennomføring?
Kvifor er tiltaket viktig ut frå lokale forhold?
Korleis skal tiltaket gjennomførast?
📩 Har du spørsmål?
Ta gjerne kontakt med
fritidskoordinator siri.opsahl@stryn.kommune.no