Tilskot til tiltak for innlandsfisk 2025
Vestland fylkeskommune lyser ut kr 200 000 til tiltak for innlandsfisk i Vestland. Formålet med tilskotsmidlane er å forbetre innlandsfiskebestandane, motivere til innlandsfiske, og informere om kvar det er tilgjengeleg innlandsfiske.
Kva kan få støtte?
- Tiltak som fremjer innlandsfiske, og gjer fisket tilgjengeleg for allmenta
- Støtte til utstyr for bestandsreduserande tiltak
- Faglege utgreiingar om fiskebestandar i vassdrag med forslag til tiltak for å betre fiske for allmenta
- Kultiveringstiltak som er beskrive i faglege utgreiingar for det enkelte vassdrag
- Informasjons- og kunnskapsformidlingstiltak om moglegheiter for innlandsfiske i Vestland
- Utfisking av framande fiskeartar
Kven kan søke?
Kommunar, grunneigarar og grunneigarlag med allment tilgjengeleg fiske, fiskeforeiningar og andre interesseorganisasjonar, som legg til rette for innlandsfiske for allmenta.
Søknadsfrist
Søknadsfristen er 16. mars 2025.
Informasjon og søknadsskjema
Sist endra 21.02.2025 09.10