Radonmåling

Radon er ein radioaktiv og kreftframkallande gass som finst i berggrunnen. Radon gjev frå seg radioaktiv stråling som aukar risikoen for å utvikle kreft seinare i livet. Det er høge radonnivå over lang tid som aukar risikoen for å utvikle lungekreft.

Her finn du informasjon om radon og kva forholdsreglar du kan ta for å unngå radonstråling. Det er anbefalt å ta radonmåling i perioden 15. oktober – 15. april for alle med opphaldsrom i dei to lågaste etasjane over bakkeplan.

Kor ofte ein må måle avheng av kva ein har målt før. Dersom det tidlegare er målt så høge radonnivå at ein måtte gjere tiltak, må ein gjere målingar etter utførte tiltak. Deretter er det tilstrekkeleg å måle kvart tiande år.

På Folkehelseavdelinga sine nettsider finn du informasjon om radon og radonmåling

Kart over radonmålingar i Stryn sentrum (PDF, 3 MB)

Kart over radonmålingar i Stryn kommune (PDF, 6 MB)

Les meir om helserisiko frå radon på Direktoratet for strålevern og atomsikkerhet (DSA) sine nettsider.

Sist endra 17.02.2026 11.06