For å gjere grensene mellom eigedomar meir tenlege, kan du søkje om grensejustering. Ved ei grensejustering kan ein utføre små justeringar av eigedomsgrensa.
Det er eigar av eigedomane som kan søkje om grensejustering.
Dersom du signerer søknaden på vegne av eigar, må du legge ved fullmakt frå grunneigar. Fullmakta må vere i original eller stadfesta rett kopi.
- Arealet på involverte eigedomar kan aukast eller reduserast med inntil 5 prosent av den minste eigedomen sitt opphavlege areal (maksimalt 500 kvadratmeter).
- Ein eigedom kan ikkje gje bort areal som i sum overstig 20 prosent av eigedomen sitt areal før justeringa.
- Grensejustering skal ikkje redusere eller auke verdien på nokon av dei involverte eigedomane med meir enn folketrygda sitt grunnbeløp (93 634 kroner per 1. mai 2017).
Dersom arealet du ynskjer å overføre er større enn grensene nemnt ovanfor, må du søke om arealoverføring.
| Grensejustering |
| Grunngebyr, søknad: | 1 340 kr |
| Grensejustering | 12 060 kr |
| Oppmåling i marka – oppmøtegebyr | 4 020 kr |
| Oppmåling i marka – grensepunkt | 670 kr/pkt |
Slik søkjer du
«Klikk her for å søkje» bruk skjemaet
«Rekvisisjon av oppmålingsforretning og matrikkelføring»
Legg ved eit kart som viser kva grensepunkt du ynskjer grensejustert
Kva skjer vidare?
Dersom vilkåra for grensejustering er oppfylt, sender vi ut skriftleg varsel om oppmålingsforretning seinast 14 dagar før oppmøte i marka. På oppmålingsforretninga vert eksisterande grenser avklart og nye grenseliner påvist og merka. Etter oppmålingsforretninga vert dei nye eigedomsgrensene ført i matrikkelen og du får tilsendt matrikkelbrev for eigedomen.
Gjeldande lovverk
Matrikkellova
Matrikkelforskrifta
Plan- og bygningslova
Jordlova
Sist endra 15.06.2026 14.42