Kommunestyret har i dag tilsett Jon B. Nesje som kommunedirektør i Stryn kommune
Jon er 61 år og er frå Stryn. Han har tre vaksne born og er gift med Karin Erdal Nesje. Dei dei bur på gard i Erdalen i Oppstryn. Saman driv dei også Grande Camping.
Jon er utdanna diplomøkonom frå BI og har teke leiarutdanning ved NHH ved sida av jobben.
Gjennom ein lang yrkeskarriere har Jon jobba i privat næringsliv som leiar i ulike bedrifter og bransjar. I tillegg til jobben har han også hatt styreverv i fleire bedrifter.
Som kommunedirektør vil Jon B. Nesje få det øvste ansvaret for den daglege drifta av Stryn kommune.
• Kommunedirektøren er overordna administrativ leiar for drifta og menneska i organisasjonen Stryn kommune
• Kommunedirektøren har ansvar for at kommunen har ein god økonomiske situasjon og skal sikre forsvarleg økonomisk drift for framtida i samarbeid med dei folkevalde
• Kommunedirektøren skal utvikle gode relasjonar mellom politikk og administrasjon, tilsette og innbyggarane
• Kommunedirektøren skal samarbeide godt med nærings- og organisasjonslivet i kommunen
• Kommunedirektøren skal leggje til rette for at partssamarbeidet med dei tilsette sine representantar fungerer godt
• Kommunedirektøren har overordna leiing av utviklingsprosjekt og skal sikre vidareutvikling av organisasjonen
• Kommunedirektøren skal representere kommunen internt og eksternt
• Kommunedirektøren skal utøve krise- og beredskapsleiing i samarbeid med ordførar
Den nye kommunedirektøren ;Jon B. Nesje tek til i stillinga 15.august 2021.
Vi ønskjer den nye kommunedirektøren velkomen som øvste leiar for over 850 tilsette i kommunen, og gleder oss til å ta fatt på samarbeidet.
Sist endra 20.04.2022 09.23