Legekontoret brukar helsenorge.no

På helsenorge.no kan du kontakte legesenteret, bestille og avbestille timar og fornye reseptar. Dei fleste fastlegane i Stryn tilbyr også e-konsultasjon på helsenorge.no. Ein e-konsultasjon kan nyttast for forhold legen kjenner til frå før og kostar det same som en vanleg legetime, men du slepp turen innom legekontoret om det ikkje er nødvendig.

For å bruke Helsenorge.no må du logge inn med BankID – du kan også laste ned ein app til telefonen for android eller iphone.

På helsenorge.no kan du også:

• Bestille europeisk helsetrygdekort
• Byte fastlege
• Melde refusjonar til pasientreiser
• Sjå/ endre kjernejournalen din
• Sjå oversikt over legemiddel
• Sjå vaksinene dine
• Fleire tenester blir lagt til etterkvart

Helsenorge.no er ei offentleg teneste levert av Direktoratet for e-helse. No som Stryn legekontor også nyttar denne tenesta vil vi frå august ikkje lenger bruke løysingar for reseptar og timebestilling på SMS/ nett levert av Helserespons.