Det er reist namnesak for Holesætra/Holesetra/Holsetra/Holsætra, Holevatnet, Holehamrane, Holevasselva, Holskaret/Holskardet/Holeskaret, Holskarhornet/Holskardhornet, Holesætra/Holsetra, Holemyra for å få avklara rett skrivemåte for offentleg bruk. Statens kartverk har sendt saka på lokal høyring i kommunen, jf. §8 i lov om stadnamn. Etter forskrift om stadnamn § 8 siste ledd er det i tillegg til primærnamnet reist sak på avleidde namneformer.
For fleire opplysningar om namna, sjå innsynsløysinga for SSR: www.norgeskart.no/ssr/ . Søk på: namn, Stryn.
Kartverket har vedtaksrett for skrivemåten av nedervde gards- og bruksnamn, seternamn og naturnamn. Før det vert gjort vedtak skal saka på lokal høyring.
Eigarar og festarar har rett til å uttale seg om gardsnamn og bruksnamn, og lokale organisasjonar har rett til å uttale seg om skrivemåten av namn som dei har særleg tilknyting til.
Etter § 4 i stadnamnlova er hovudregelen å ta utgangspunkt i den nedervde, lokale uttalen og fylgje gjeldande rettskrivingsprinsipp ved normering av stadnamn. Skrivemåten skal vere praktisk og ikkje skygge for meiningsinnhaldet i namnet.
Høyringsinnspel kan sendast til postmottak@stryn.kommune.no
eller Stryn kommune, Tonningsgata 4, 6783 Stryn innan 12.05.2024.
Namneliste til lokal høyring (PDF, 49 kB)