Ny kommunedirektør på plass

Jon B. Nesje (61) er i dag, 16. august 2021, på plass som kommunedirektør i Stryn kommune. Nesje tek over stillinga etter Hilde Lødøen som har vore konstituert kommunedirektør sidan oktober 2020.

Nesje kjem frå privat næringsliv, som leiar i fleire ulike bedrifter og bransjar, no sist i Norva24. I tillegg til jobb, har han også hatt styreverv i fleire bedrifter. Jon er utdanna diplomøkonom frå BI og har teke leiarutdanning ved NHH.

Vår nye kommunedirektør er 61 år og opprinneleg frå Visnesbakkane i Stryn. Han har tre vaksne born og er gift med Karin Erdal Nesje. Dei bur på gard i Erdalen i Oppstryn. Saman driv dei også Grande Camping & Erdalen Bygdemølle.

Vi ønskjer den nye kommunedirektøren velkomen som øvste leiar for over 850 tilsette i kommunen, og gleder oss til å ta fatt på samarbeidet.

Sist endra 28.02.2024 15.17