Område ved Robjørgane er foreslege som opplæringsstad for snøskuter

Sakshandsaminga skal følgje reglane for forskrifter i forvaltningslova. Det er eit mål at det ikkje skal vere fleire øvingsområde enn naudsynt, difor må heile fylket sjåast under eitt både når det gjeld talet område og lokalisering. Det er i dag eit opplæringsområde i Vestland som ligg i Voss herad.  

Føremålet med å opprette eit nytt område for obligatorisk opplæring i snøskuter og konsekvensane av forslaget til forskrift er nærare omtala i høyringsnotatet som er utarbeida av Stryn kommune.  

Høyringsfrist er 30. november 2024

Du kan sende merknader til forslaget som e-post til sfvlpost@statsforvalteren.no
eller brev til Statsforvaltaren i Vestland ved Miljøavdelinga, Njøsavegen 2, 6863 Leikanger. 

Lenkje til Statsforvaltaren i Vestland si side med informasjon og dokument