Ope møte om Singerheimen 15.oktober
Det er stort engasjement rundt Singerheimen i Olden og framtida til eigedomen. No inviterer Sogn og Fjordane fylkeskommune til ope møte.
Sogn og Fjordane fylkeskommune varsla i vår oppstart av fredingssak for eigedomen for å bidra til å ta vare på dei kulturhistoriske verdiane i anlegget. Samstundes undersøkjer styret og stiftarane av Singerheimen ulike driftsmoglegheiter, mellom anna om anlegget kan drivast som ein del av Musea i Sogn og Fjordane.
![](/handlers/bv.ashx/iafe79a73-0261-49c3-a588-d560bbb08931/w150/kb9cf68521248/singerheimen-i-olden-ssf0397.JPG)
Involverer innbyggjarane
Singerheimen er eit anlegg med svært høge kulturhistoriske verdiar. Både fylkeskommunen og andre aktørar arbeider no med korleis vi kan drifte anlegget på best mogleg måte. Det er i samband med dette at vi no inviterer til eit ope møte 15. oktober kl. 18.00–20.00. Møtet vert i storsalen på eldresenteret i Olden.
Møtet er kome i stand både for å informere om dei ulike prosessane som er sette i gang og for å få innspel frå innbyggjarane i Olden. Desse deltek for å informere om arbeidet med og engasjementet for Singerheimen:
- Sogn og Fjordane fylkeskommune
- Styret i Stiftinga Singerheimen
- Musea i Sogn og Fjordane
Meir informasjon om Singerheimen
Sist endra 12.04.2022 13.04