Retningsliner for tilskot til skogsvegbygging

Skal du byggje skogsbilveg eller traktorveg som utløyser skog, kan du søkje om tilskot, men du må vere budd på både å vedlikehalde vegen og innfri krav om planting etter hogst.

Fylkesmannen i Vestland har innført nye overordna retningsliner for tilskot til skogsvegbygging, og dette er hovudpunkta:

Krav

  • Tilskot vert kun gjeve til vegar til private og offentlege skogar over 10 dekar, og der det er planar om å drive eit uthaldande skogbruk.
  • Bygginga/ombygginga av vegen skal vere godkjend av kommunen, jf. forskrift om planlegging og godkjenning av landbruksveier.
  • Det må vere utarbeida ein byggeplan som er godkjend av kommunen.
  • Kostnadane med vegen skal vere kjend før det vert søkt om tilskot.
  • Søknad om tilskot skal sendast til fylkesmannen før arbeidet med vegen vert sett i gong.
  • Veglina skal vere stukken i marka og godkjend av kommunen.
  • Vegen skal byggast etter gjeldande normalar for skogsvegar.
  • For større fellesanlegg skal det vere skipa veglag.
  • Det vert normalt ikkje gjeve tilskot til skogsvegar der anleggskostnadane er under 30 000 kr.
  • Det vert normalt ikkje gjeve tilskot til «enkle vegar» og enkle traktorvegar i vegklasse 8.

Prioritering

  • Vegar som er bygde/ombygde i samband med å ta ut vindfallhogst vert prioriterte.
  • Vegar bygde som sams tiltak etter jordskiftelova, eller større fellesanlegg med mykje hogstmoden skog og store produktive skogareal vert prioriterte.
  • Bilvegar og ombygging til bilveg vert prioritert.

Satsar

  • Tilskot til traktorvegar vil normalt ligge mellom 25-45 %
  • Tilskot til bilvegar vil normalt ligge mellom 30-60 %
  • Ekstra tilskot ved bruk av godkjend vegplanleggar vil normalt ligge mellom 2-10 %

Vilkår

  • Vegar som har motteke tilskot skal haldast vedlike i same standard som vegen opphavleg var bygd i. Vedlikehaldsavtale skal vere signert før tilskot vert utbetalt.
  • Det skal utarbeidast ei oversikt over korleis areala som vert løyst ut av vegen er tenkt nytta.
  • Areal som vert hogge skal tilfredsstillande foryngast, jf. første kulepunkt under «krav».
  • Normalt vert det sett vilkår om nyplanting av gran tilsvarande eitt dekar for kvar 5000 kr. gjeve i tilskot.
  • Tilskot som ikkje er nytta når byggjefristen går ut, vert trekt inn.