Tilskot til kulturbygg
Ordninga er finansiert gjennom spelemidlar, og skal bidra til eigna lokale, bygningar og utearenaer som gjev rom for ulik kulturell verksemd.
Du kan søkje om tilskot til kulturhus, fleirbrukslokale eller spesiallokale for kunst og kultur, som bibliotek, bygg for museum eller andre kulturverntiltak, scenekunstlokale, konsertsal eller formidlingslokale for biletkunst. Tilskot kan og gjevast til etablering av livssynsnøytrale seremonirom.
Midlane kan nyttast til nybygg, ombygging og modernisering av kulturbygning, men ikkje til vedlikehald eller drift.
Kven kan søkje?
Søkjarar kan vere frivillige lag og organisasjonar, kommunar og fylkeskommune. Andre lag, organisasjonar og selskap kan også søkje, avhengig av vedtektene sine. Spelemidlar skal ikkje gjerast om til forteneste for private fortenestebaserte aktørar.
Søknadsfrist
Søknadsfrist for å søkje om spelemidlar til kulturbygg er 1. april 2025.
Send inn søknad elektronisk på anleggsregisteret.no:
Lokale kulturarenaer – Anleggsregisteret.no
Ta kontakt med avdelingsleiar Ingrid Heieren Sølvberg,
ingrid.heieren@stryn.kommune.no for meir informasjon om du vil søkje.
Les meir om tilskotsordninga og korleis du søkjer på Vestland fylkeskommune sine sider:
Tilskot til kulturbygg i Vestland - Vestland fylkeskommune