Stryn kommune ønskjer innspel til naturmangfaldsplan

Dersom du har innspel om lokal natur som du meiner kommunen bør kjenne til, oppmodar vi deg om å sende dei inn via skjemaet Innspel til naturmangfaldsplanen i Stryn kommune 
Frist for innsending av skjemaet er 1. september 2026.

Døme på innspel vi ønskjer:

• Natur med høgt naturmangfald
• Grøne strukturar som er viktige for artar si moglegheit til å spreie seg
• Forslag til område som bør restaurerast
• Naturområde med få eller ingen inngrep
• Samanhengande myrområde
• Rasteområde for fugl
• Område med framande artar
• Andre naturverdiar
   

Vi ber om at innspela så langt det er mogleg vert stadfesta på kart, slik at dei kan inkluderast i eit eige kartlag. Dette kan gjerast via det same skjemaet.

Ønskjer du å bidra med bilder av natur?

Stryn kommune set stor pris på bidrag av bilder til naturmangfaldsplanen. Bilder er viktige for å visualisere og gjere innhaldet i planen meir tilgjengeleg og levande. Vi tek imot alle typar bilder som kan vise breidda i naturtypar, truslar mot naturen, sjeldne artar og andre relevante motiv.

Vi kan ikkje garantere at alle bilder vert brukte i planen, men alle innsende bidrag vil bli vurderte. Det kan òg vere at akkurat ditt bilde blir valt som framsidebilde til planen.

Bidrag kan lastast opp som vedlegg i skjemaet.

Frist for innsending: 1. september 2026