Unni Verlo er tilsett som ny HR sjef i Stryn kommune

Ho kjem frå jobben som HR leiar i TINE, der har ho arbeidd i 15 år. TINE Byrkjelo har vore den faste arbeidsstaden. I tillegg har ho vore HR-støtte for fleire anlegg og delteke i sentrale prosjekt i TINE.
Tidlegare har Unni arbeidd mange år innan reiseliv. Ho har budd i ulike deler av landet og arbeidd innan hotell, ho har drive fjellhytte, og var drifts- og personalsjef på Spitsbergen Funken Hotel og Spitsbergen Nybyen Gjestehus på Svalbard. Då ho flytta tilbake til Nordfjord arbeidde ho fleire år på salsavdelinga på Hotel Alexandra.
 
Unni har ei utdanning på bachelornivå innan hotelladministrasjon og leiing, samt serviceleiing. Ho har vidare studert prosjektleiing, innovasjon og styreleiing, coaching, samt omstilling og innovasjonsleiing.
 
Unni ser fram til å tiltre i stillinga som HR-sjef i Stryn kommune den 01.11.2023.

Vi ønskjer Unni velkomen til oss.