Velferdsteknologi

Stryn kommune tilbyr digitale tryggleiksalarmar. Alarmane er enkle å bruke og tryggleiksalarmen løyser du ut aktivt sjølv ved å trykke på den.

Når du trykker på alarmen vil Alarmsentralen ta kontakt med deg, vurdere nødvendig oppfølging og ved behov formidle kontakt vidare til pårørande.      

Alarmknappen er vasstett og ein treng ikkje ta den av ved dusjing. Ved straumstans har tryggleiksalarmen ein batterikapasitet på ca. 24 timar.

Du må ta godt vare på utstyret. Du har ansvar for å eventuelt erstatte tapt knapp og vil bli fakturert for dette.

Alarm vert tildelt etter søknad og vurdering i tildelingsnemnda.

Søknadsskjema (digitalt)

Søknadsskjema (PDF) (skriv ut og send til Stryn kommune, Servicekontoret, Tonningsgata 4, 6783 Stryn)

Pris for leige av tryggleiksalarm: Gebyrliste (framsikt.net)

Les meir om tryggleiksalarm på nettsidene til Helse Norge

Elektronisk dørlås (e-lås) er eit nøkkelfritt låssystem som monterast på ytterdøra di for ein sikker og enkel adgang for til dømes heimesjukepleien. Dei tilsette brukar ein app på sin tenestetelefon for å låse opp døra. Du og dine pårørande brukar framleis din vanlige nøkkel.

E-låsen monterast på innsida av døra og vil ikkje vere synleg frå utsida. Med e-lås kan helsepersonell kome raskare til deg ved behov for hjelp.

Treng du hjelp til å hugse å ta medisinane dine?

Då kan ein elektronisk medisindispenser hjelpe deg. Den varslar og doserer ut medisinar på bestemte tidspunkt. Ved å bruke medisindispenser får du teke medisinane dine til rett tid utan bekymring for at medisinen blir gløymt eller teke feil.

Du treng heller ikkje vente på helsepersonell og du får dermed større friheit og fleksibilitet i kvardagen. Dersom du ikkje får teke medisinen til gitt tidspunkt vil helsepersonell få varsel og ta kontakt med deg.

Ved søknad om hjelp til medisinering blir elektronisk medisineringsstøtte vurdert som førsteval før tradisjonelle tenester blir iverksett. Tilbodet er gratis.

Denne filmen viser korleis ein medisindispenser kan hjelpe deg i kvardagen: Film for tjenestemottakar

Lokaliseringsteknologi med GPS er ein trygghetsalarm til personar med kognitiv svikt eller orienteringsvanskar, som ønskjer å gå tur. Alarmen kan utløysast av brukar sjølv ved behov for hjelp, eller ved at brukar går utanfor eit definert geografisk område (geofence). Ein kan då sjå posisjonen på eit kart ved hjelp av GPS.

Vi tilbyr lokaliseringsteknologi til bebuarane på institusjon og i heildøgnsbemanna omsorgsbustad.

Ein kan også kjøpe utstyret som privatperson. 

Sjå safemate.no for meir informasjon.

Digital heimeoppfølging er bruk av teknologiske løysingar som gjer at ein kan følgast opp heime.

                Frisklivsentralen

Digital heimeoppfølging i Frisklivsentralen inneber at heile eller delar av tilbodet foregår utan fysisk kontakt, og der dialog og deling av informasjon mellom deltakar og frisklivsrettleiiar skjer digitalt. Etter avtale skal du utføre oppgåver, treningsøvingar, målingar og svare på enkle spørsmål via eit nettbrett eller smarttelefon. Ein kan også kommunisere enkelt via melding eller videosamtale.

Les meir om Frisklivsentralen her: Frisklivssentralen - Stryn kommune

Vi tilbyr ulike sensorar som kan gje auka tryggleik. Velferdsteknologi som består av sensorar som automatisk varslar ved uønskte hendingar, vert rekna som digitale tilsyn. Dette inneber éin eller fleire sensorar som utløyser eit varsel til tenesteytar, til dømes ved rørsle, passering, fråvær frå seng og liknande.

Døme på slike sensorar er sengesensor, dørsensor og rørslesensor. Teknologien har som mål å førebyggje fare, minske skade og tilkalle hjelp dersom ein ikkje er i stand til det – samtidig som det gjev auka fridom. Det er behovet til den enkelte som avgjer kva teknologi som er aktuell.

Døme på slike sensorar er:

• Sengesensor
• Dørsensor
• Rørslesensor

Nytt tilbod

Guardian H10 er ein søvnmonitor som kontinuerleg samlar inn helsedata medan bebuaren ligg i senga. Monitoren måler pustemønster, at ein ligg i senga, søvn, vakentilstand og uro. Guardian H10 vil vere ei støtte for nattevaktene, og kan varsle dei tilsette dersom bebuaren til dømes er ute av senga, er uroleg, rører seg mykje eller lagar høg lyd. Teknologien vert tilpassa behova til kvar enkelt bebuar.

Systemet vert innført hausten 2025.