Målet med sommarskule er å gje fleire unge ein arena der dei kan delta i faglege, sosiale og kulturelle aktivitetar i sommarferien 2021, men også ei moglegheit til «fagleg påfyll»
Dette kan vere ein arena der lag og foreiningar får ei moglegheit til å vise seg fram og også auke rekrutteringa.
Kriterie for søknad
De kan søkje om støtte til å arrangere sommarskule innanfor dei kriteria som er gjevne under.
Kursa/tilboda må:
- vere tilpassa 1. – 10.trinn i grunnskulen. Kurset treng ikkje dekkje heile målgruppa, men kan f.eks vere for 1. – 4.trinn.
- vere ei vekes opplegg med eit program frå kl. 9.00 – 15.00.
For 8. – 10.trinn kan aktivitetane også gjennomførast på kveldstid.
- vere lagt til vekene 25 – 32.
- ha aktivitetar der elevane får fagleg påfyll og ikkje reine ferieaktivitetar. Dette kan inkludere kulturell, idrettsleg eller anna fagleg opplæring.
- vere gratis for alle deltakarane.
Ønskjer de å delta send søknad til:
postmottak@stryn.kommune.no
Merk søknaden Sommarskule 2021.
Søknadsfrist fredag 7. mai
Søknaden må innehalde:
- Ei skisse for aktivitetar, inkludert mål for sommarskulen
- Total kostnadsramme (inkl. løn, utstyr o.l) det vert søkt midlar til
- Ønska veke/ dagar
- Tal plassar til elevar; minimum 10 deltakarar for å starte opp
- Tal vaksne/ instruktørar på aktiviteten
- Ev. reisekostnadar må inkluderast i søknadssummen.
Aktivitetane må tilfredsstille kommunen sine krav til politiattest for tilsette og gjeldande smittevernomsyn/-reglement. Dette kan koordinerast med kommunen.
For ev. meir informasjon ang. Sommarskule 2021, kontakt Edvard Nordang edvard.nordang@stryn.kommune.no telefon 909 19 542.
Søknadane vert handsama av Stryn kommune innan 19. mai.