Ny kommunalsjef Samfunnsutvikling
Steinar Nesdal (60) er vår nye kommunalsjef for samfunnsutvikling. Nesdal arbeider i dag i Nordplan AS som ingeniør Plan og infrastruktur.
Steinar Nesdal tek til i stillinga som kommunalsjef samfunnsutvikling i mars 2024. Foto Anna Egedahl
Nesdal kjem frå jobb i Nordplan, men har god kjennskap til Stryn kommune. Både som tidlegare plan- og næringssjef (2010-2014), og gjennom ei rekkje oppdrag for sin noverande arbeidsgjevar.
– Eg har primært jobba med plan. Det kan høyrest litt smalt ut, men det vil seie alt frå planstrategi, via kommuneplan, reguleringsplan og byggeplan til anbod og byggeleiing. Då har ein vore innom dei ulike avdelingane som ligg under samfunnsutvikling. Med unntak av kultur, seier Nesdal.
Vi ønskjer Steinar Nesdal velkomen til Stryn kommune.
Sist endra 13.06.2024 13.11