Forskarane ønskjer å vite korleis innbyggjarane i cruisehamner på Vestlandet har opplevd sommaren. Dette gjeld folk i Ålesund, Geiranger, Hellesylt, Nordfjordeid, Olden, Flåm, Bergen, Eidfjord, Haugesund og Stavanger.
Bur du i Olden? Bli med på undersøkinga! Dersom du vil delta, finn du ei nettbasert spørjeundersøking her.
Undersøkinga er del av eit forskingsprosjekt der målet er å kartlegge følgjene av ein sommar utan cruiseturistar. Forskarane ser både på økonomi og miljø, i tillegg til å kartlegge korleis innbyggjarar i cruisedestinasjonane har opplevd fråværet av cruiseturistar.
Svara vi kjem fram til i denne delen av studien, vil vere viktige for cruisedestinasjonar som må tilpasse seg korona-pandemien på kort og kanskje lang sikt. Studien er eit samarbeid mellom Vestlandsforsking og fylkeskommunane i Møre og Romsdal, Vestland og Rogaland.
Finansieringa kjem frå Regionalt Forskingsfond Vestlandet.
For spørsmål om undersøkinga kontakt:
Anna Maria Urbaniak-Brekke (forskar) 901 15 257
amb@vestforsk.no