Pårørandeskulen er eit gratis kurstilbod til pårørande og nære venner til ein person med demenssjukdom. Gjennom faglege førelesningar, plenums- og gruppesamtalar er målsetjinga å:
- gi pårørande auka kunnskap om demenssjukdomar
- gi innsikt i metodar for kommunikasjon og samhandling med personar med demens
- bidra til at pårørande får betre kjennskap til rettigheiter og aktuelle lover, og korleis ein får kontakt med hjelpeapparatet
- tilby støtte gjennom å møte andre pårørande som er i same situasjon
Fellesskap med andre i same situasjon kan vere ei viktig støtte for pårørande. Ei landsomfattande evaluering av pårørandeskular viser at deltakarane har stor nytte av å delta på kurs. Informasjon og støtte kan redusere omsorgsbelastningane til pårørande og føre til ein betre kvardag både for pårørande og den som er sjuk, Evaluering av tidlegare kurs i Stryn viser at pårørande vurderer at det å delta på kurset er til hjelp, støtte og fellesskap.
Kurset er lagt opp over 5 samlingar med fylgjande tema:
- Kva er demenssjukdom?
- Kommunikasjon og samhandling
- Når åtferd endrar seg
- Aktivitet og meistring. Trygg og aktiv kvardag med demens
- Pårørande fortel om sine erfaringar
Ta kontakt dersom du har behov for avlastning for å kunne delta på kurset. Vi vil prøve å vere behjelpeleg med det.
Praktiske opplysningar
Stad: Stryn Omsorgssenter, Buketten
Dato for samlingar: 28.02, 07.03, 14.03, 21.03,28.03
Kurset er gratis
Påmeldingsfrist: 21. februar
For nærare opplysningar kontakt:
Anita Skarstein
Telefon 94 82 59 79
E-post anita.skarstein@stryn.kommune.no
Arrangør: Hukommelsesteamet i Stryn
INFO:
Pårørandeskulen i Stryn kommune (PDF, 303 kB) – her finn du informasjon og påmeldingsslipp
www.nasjonalforeningen.no – Organiserer landets demensforeningar
www.helsedir.no – Dokument om nasjonale satsingar innan demensomsorga
www.aldringoghelse.no – Nasjonalt kompetansesenter for aldring og helse