Frisk pust er eit behandlingstilbod retta mot depresjon, uro og stressrelaterte plager.
Kurset går over 4 gongar og inneheld:
- 30 minutt intensiv trening på spinningsykkel
- 45 minutt styrketrening eller yoga
- Lett lunsj
- 45 minutt undervisning om psykisk helse
På kurset får du erfaring med å kjenne både på høg aktivitet og på avspenning. Det er fokus på å finne ein god balanse mellom aktivitet og kvile, og finne tryggheit i at kroppen treng begge delar. Du lærer ulike strategiar for å finne balanse i kvardagen. Det dreier seg om å anerkjenne og regulere vanskelege kjensler.
Det overordna målet er å bidra til auka evne til å mestre stress og belastningar, gjennom erfaring med å ta godt vare på si eiga helse både fysisk og psykisk.
MÅLGRUPPE
- Er du hjartefrisk, men likevel uroleg for om hjartet ditt kan tole fysisk belastning?
- Ønsker du å trene, men unngår det fordi du blir utrygg på deg sjølv saman med andre?
- Har du «brent lyset i begge endar» og treng hjelp til å finne ein god balanse mellom aktivitet/prestasjon og restitusjon/kvile?
- Treng du hjelp til å finne att overskot, energi og livsgnist?
KURSET
- Kl. 09.00 – 09.30 Spinning med Kristin
- Kl. 09.45 – 10.30 Styrke eller yoga/ avspenning med Kristin og Olga.
- Kl.11.00 – 11.30 Lunsj
- Kl. 12.00 - 13.00 Undervisning
Dagen startar på Gym Stryn i Kveenbygget. Så går vi vidare til Stryn omsorgssenter på stova oppe, der vi har lunsj og undervisning.
PROGRAM
Måndag 18. november – Psykolog Olga Sæten og Kristin Heimlid Øiestad
- Introduksjon. Viktigheita av å ta hand om seg sjølv, korleis den psykiske og fysiske helsa heng saman.
Måndag 25. november – Vivian Tvinneheim og Kristin Heimlid Øiestad
- Oppmerksomheitsrolla. Alternative tolkningar. ABCD-modellen. Energisylinderen.
Måndag 2. desember – Kristin Heimlid Øiestad og Linda
- Psykisk helse og belastningar. Handtering av stress og belastning. Frisklivssentralen. Kosthald. Søvn. Fysisk aktivitet.
Måndag 9. desember – Vivian/ Olga/ Linda – Kristin
- Oppsummering. Målsetjingar. Vegen vidare.
PÅMELDING
Påmelding til Anne-Karin Høgalmen: 450 77 044
eller på epost: Anne-Karin.Hogalmen@stryn.kommune.no
Kurset er gratis