- Steffen Melheim (16) er ein ualminneleg talentfull ungdom, han har ei lang og imponerande merittliste som syner at det er snakk om ein utøvar på internasjonalt toppnivå i si grein, sa leiar i skule- og kulturutvalet Kari Synnøve Muri, då ho delte ut prisen etter årets siste kommunestyremøte i kulturhuset 19. desember, før ho stolt heldt fram:
- Vinnaren er 16 år og er elev ved Stryn vidaregåande skule. Han har vakse opp i ein aktiv familie og begynte å trene i det lokale idrettslaget før han eigentleg var gammal nok. Han har vore aktiv i fleire idrettar bl.a. fotball, men det er friidrettsarenaen som er hans heimebane, han framstår som eit ekstraordinært stor talent i kastøvingane, først og fremst diskos.
Han har dei siste to åra vore på rekrutteringslandslaget i friidrett, og særleg det siste året har han hatt ei fabelaktig utvikling, med sølvmedalje i Europeisk ungdoms-OL i Baku som det internasjonale høgdepunktet. I junior-NM (16-19 år) fekk han sølv i diskos og gull i kule. I Ungdoms-NM fekk han gull i diskos og slegge, og bronse i kule og spyd, fekk bestemannspremien for gutar (diskos: 59,96m)
Han har nyleg fått status som «prioritert utøvar» i Friidrettsforbundet, dvs. vurdert å ha medaljesjansar på internasjonalt nivå, og han blir satsa ekstra på.
Kan illustrere kva denne karen presterer:
Beste enkeltresultat:
Loggane Open i juni: 1,5kg-diskosen 61,03m, 1208 poeng Tyrvingtabellen
Seniordiskos (2 kg) rekord for 16-åringar: Før årets sesong: 44,84m (1974)
På Bislett i juli kasta Steffen 51,10m.
Prisvinnaren takka og forsikra at pengane ville bli brukt på beste måte.
![](/handlers/bv.ashx/idd06a558-5fc3-4e6c-a501-1ae2aac17ca4/w1024/k8c68b902afc1/kulturstipend-2019-kollasj.jpg)
Retningsliner for tildeling av ungdommens kulturstipend i Stryn kommune (PDF, 341 kB)